मलाई भारत भनी चिनिदै छ

  मैले अन्तर्जातीय बिहे गरेको पनि होइन ,

म अन्तर्जातीय बुबाआमाको सन्तान पनि होइन,

तर पनि मलाई सीमा पारी किन?

म तिम्रै सन्तान हुँ आमा, मलाई तिमी भन्दा टाढा किन?

किन के गरे र मैले मलाई मेरै परिचय बाट टाढा भारत भनी चिनैदै छ???

सुन्दर भएर आमाको काख बाट टाढा हुनु भन्दा ,

कुरुप भएर तिम्रो काखमा बस्नु मन छ,

सुखमा हाँस्नु अनि दुख्ख मा तिमी सँगै रुनु मन छ ।

निदाउँदा होस् या जग्दा तिमीसँगै हुनु मन छ ।

किन के गरे र मैले मलाई मेरै परिचय बाट टाढा भारत भनी चिनैदै छ???

म नेपालको छोरी होइन नी बिहे गरेर भारतलाई दिन ,

म छोरी होइन नी मेरो हत्या भए पनि मेरो कुरा २ दिनमा हराउन,

म अविवाहित तिम्रो छोरा हुँ, र पनि मलाई किन छुट्याउँदै छ ?

किन के गरे र मैले मलाई मेरै परिचय बाट टाढा भारत भनी चिनैदै छ???

म निर्मला होइन निर्मल हुँ,

म सम्झना होइन संयोग हुँ,

म बलात्कार भए पनि गल्ती मेरै हुन्छ ,

कृपया आमा मलाई बचाऊ ।

किन के गरे र मैले मलाई मेरै परिचय बाट टाढा भारत भनी चिनैदै छ???

छोरी भएको भए मलाई असहज भएको कुरा चर्चा त हुन्थ्यो,

तर म छोरा हुँ , यहाँ छोरालाई केही हुँदैन ,

केही भयो भन्दा कसैले सुन्दैन,

म चिच्याएको मेरै आमाले पनि सुनिनन् ।

किन के गरे र मैले मलाई मेरै परिचय बाट टाढा भारत भनी चिनैदै छ???

म जस्ता थुप्रै भाई टुक्रिएर भारत बन्दै छन्,

हामी चिच्याएर घाटी सुकाउँदै छौं,

खै किन चुप छिन् हाम्री आमा, हामीले भारत पठाउँदै छिन्,

किन के गरे र मैले मलाई मेरै परिचय बाट टाढा भारत भनी चिनैदै छ???